ٹانک میں امن کمیٹی کے رکن کے گھر پر حملہ، 4 افراد ہلاک

اسلام آباد (ش ح ط) صوبہ خیبر پختونخوا کے ضلع ٹانک کے گاؤں گومل کوٹ خدک میں نامعلوم مسلح افراد نے امن کمیٹی کے رکن کے گھر پر حملے کرکے ایک ہی خاندان کے چار افراد کو ہلاک کردیا۔

پولیس حکام کے مطابق جمعہ اور ہفتہ کی درمیانی شب کو مسلح افراد نے امن کمیٹی کےتعلق رکھنے والے صلاح الدین نامی شخص کے گھر پر فائرنگ اور دستی بم سے حملہ کیا، جس کے نتیجے میں صلاح الدین، اس کے دو بیٹے اور ایک بھتیجا موقع پر ہی دم توڑ گئے۔

پولیس نے لاشوں کو ڈی ایچ کیو ہسپتال منتقل کردیاگیا ۔

صلاح الدین کے بارے بتایا جارہا ہے کہ وہ سابق امن کمیٹی کے اہم کمانڈر تھے۔

واقعے کی اطلاع ملنے پر پولیس موقع پر پہنچ گئی اور علاقے کو گھیرے میں لے کر ملزمان کی گرفتاری کے لئے سرچ آپریشن شروع کر دیا۔

ابھی تک کسی تنظیم نے اس واقعے کی ذمہ داری قبول نہیں کی ہے۔