ٹانک میں دہشت گردوں کے حملے میں پولیس اہلکار ہلاک

اسلام آباد (ش ح ط) صوبہ خیبرپختونخوا کے ضلع ٹانک کے علاقے جنڈولہ میں دہشت گردوں کی فائرنگ سے ایک پولیس اہلکار ہلاک ہوگیا ہے۔

#Pakistan: A policeman was shot dead by unknown assailants in Jandola district, Khyber Pakhtunkhwa province. https://t.co/7wrYpQPnzi

— ???? (@cozyduke_apt29) May 5, 2024

ڈیلی اردو کے مطابق پولیس کا کہنا ہے کہ کانسٹیبل عثمان غنی ڈیوٹی سے واپس گھر جارہا تھا کہ شان خیل کورونہ منزئی روڈ پر نامعلوم دہشت گردوں نے فائرنگ کردی، پولیس اہلکار کی لاش کو ہسپتال منتقل کردیا گیا۔

پولیس حکام کے مطابق نامعلوم حملہ آور موقع سے فرار ہونے میں کامیاب ہو گئے۔ پولیس نے نامعلوم حملہ آوروں کے خلاف مقدمہ درج کر کے ان کی تلاش شروع کر دی ہے۔

ضلع ٹانک جنوبی وزیرستان کی سرحد کے قریب واقع ہے۔ جنڈولہ روڈ بھی جنوبی وزیرستان سے منسلک ہے اور اس علاقے میں پہلے بھی تشدد کے متعدد واقعات پیش آ چکے ہیں۔