پشاور: تین روز قبل دہشت گردوں کے حملے میں زخمی پولیس کا سب انسپکٹر چل بسا

پشاور (ڈیلی اردو/ٹی این این) صوبہ خیبر پختونخوا کے صوبائی حکومت پشاور میں تین روز قبل دہشت گردوں کے حملے میں زخمی ہونے والا سب انسپکٹر ہلاک ہوگیا۔ تین روز قبل تھانہ متھرا کی حدود میں دہشت گردوں کی فائرنگ سے سب انسپکٹر گل جلال شدید زخمی ہوگیا تھا۔

پشاور: سب انسپکٹر گل جلال پر حملے کی ذمہ داری کالعدم تحرہک طالبان پاکستان نے قبول کرلی۔#TTP #Peshawar #Pakistan

— Shabbir Hussain Turi (@ShabbirTuri) August 18, 2023

گل جلال کو شدید زخمی حالت میں پشاور کے لیڈی ریڈنگ ہسپتال میں لایا گیا تھا۔ بعدازاں انکو علاج کیلئے ایک نجی ہسپتال منتقل کر دیا گیا۔ آج ہسپتال میں زخموں کی تاب نہ لاکر چل بسے۔

پشاور : شہید سب انسپکٹر گل جلال خان کی نماز جنازہ سرکاری اعزاز کیساتھ پولیس لائنز میں ادا کردی گئی۔

نماز جنازہ میں آئی جی پی اختر حیات خان، ایڈیشنل آئی جی سی ٹی ڈی شوکت عباس، سی سی پی او سید اشفاق انور، ایس ایس پی آپریشنز و دیگر پولیس افسران و جوانان نے کثیر تعداد میں شرکت کی pic.twitter.com/vFCpkfgLBL

— KP Police (@KP_Police1) August 21, 2023

پولیس سب انسپکٹر گل جلال تھانہ متھرا کی حدود میں صبح کی نماز پڑھنے مسجد جارہے تھے کہ اس دوران نامعلوم موٹر سائیکل سواروں نے فائرنگ کرکے انکو شدید زخمی کردیا تھا۔ نامعلوم ملزمان فائرنگ کرکے فرار ہونے میں کامیاب ہوئے تھے۔

دوسری جانب تحریک طالبان پاکستان (ٹی ٹی پی) نے اپنے ایک بیان میں اس حملے کی ذمہ داری قبول کی ہے۔

گل جلال پشاور کے تھانہ غربی کے پال سیکشن میں تعینات تھے۔ مرحوم گل جلال کی نماز جنازہ پشاور کے پولیس لائن میں ادا کر دی گئی۔ نماز جنازہ میں اہل خانہ، پولیس اہلکاروں اور افسران نے شرکت کی۔