پشاور میں ٹریفک پولیس اہلکار کی ٹارگٹ کلنگ

پشاور (ڈیلی اردو/ٹی این این) صوبہ خیبر پختونخوا کے صوبائی حکومت پشاور کے علاقے پتنگ چوک میں اباسین یونیورسٹی کے قریب نامعلوم دہشت گردوں کی فائرنگ سے ٹریفک پولیس اہلکار ہلاک ہوگیا ہے۔

پولیس کے مطابق لاش پوسٹ مارٹم کے لیے ہسپتال منتقل کر دی گئی ہے۔ پولیس کانسٹیبل طاہر شاہ کو ڈیوٹی سے گھر جاتے ہوئے نشانہ بنایا گیا۔ جبکہ حملہ آور موٹر سائیکل پر فرار ہونے میں کامیاب ہوگئے۔

ابتدائی اطلاعات کے مطابق فائرنگ کا واقعہ ٹارگٹ کلنگ کا شاخسانہ لگتا ہے۔

پولیس نے شواہد اکھٹے کرکے تفتیش کا آغاز شروع کردیا ہے۔ آس پاس علاقوں میں سی سی ٹی وی کیمروں کو چیک کیا جارہا ہے.

ایس پی فقیر آباد ڈویژن اسامہ امین چیمہ کا کہنا ہے کہ اطلاع ملتے ہی پولیس افسران بھاری نفری کے ہمراہ موقع پر پہنچ گئے تھے۔ علاقہ میں سرچ آپریشن شروع کرکے اہم مقامات پر ناکہ بندیاں لگا کر سخت چیکنگ جاری ہے۔