پشاور: پیپل منڈی دھماکے کو 10سال بیت گئے

پشاور (ڈیلی اردو) پشاور کی تاریخ کا بدترین دھماکا (پیپل منڈی) چڑیکوبان مینہ بازار کو 10سال بیت گئے دہشتگردی کے اس المناک سانحہ میں شہید ہونیوالوں کے گھروں میں آج بھی غم کے سایہ ہیں کئی مقامات پر شہداء کی مغفرت و ایصال ثواب کیلئے فاتحہ خوانی اور قرآن خوانی کا اہتمام بھی کیاگیا جبکہ دھماکہ کے بعد لاپتہ ہونیوالے شہریوں کے لواحقین آج بھی ان کی راہ تک رہے ہیں۔

واضح رہے کہ 28 اکتوبر 2009 کو پشاور کی تاریخ کا بدترین کار بم دھماکہ پیپل منڈی چڑیکوبان کے مقام پر ہوا جس میں اس وقت خواتین اور بچوں سمیت تقریباً 150 سے زائد افراد شہید اور سینکڑوں زخمی ہوئے تھے اس سانحہ کو آج 10سال بیت گئے جبکہ شہدا کی ایصال ثواب اور مغفرت کیلئے قرآن خوانی و فاتحہ خوانی کاسلسلہ جاری ہے۔

دہشتگردی کے اس المناک سانحہ میں شہید ہونیوالے کے گھر وں آج بھی غم کے سائے ہیں جبکہ مائیں یتیم بچے اور بیوائیں آج بھی اپنے پیاروں کی یاد میں نڈھال ہیں۔ ایسے ہی ایک گھرانہ دھماکہ میں شہید شکیل امین ولد محمد امین کا ہے جہاں آج بھی کے دو بیٹے اور بیٹی اپنے والد کی راہ تک رہے ہیں اسی طرح اور کئی خاندان ہیں جو لاپتہ ہونے والے اپنے پیاروں کے منتظر ہیں۔