پشاور: سکھ تاجر کی سیکیورٹی پر مامور پولیس اہلکار دہشت گردوں کی فائرنگ سے ہلاک

پشاور (بیورو رپورٹ) صوبہ خیبرپختونخوا کے دارالحکومت پشاور میں نامعلوم دہشت گردوں کی فائرنگ سے سکھ تاجر کی سیکیورٹی پر مامور اہلکار ہلاک ہو گیا جبکہ فائرنگ سے سکھ شہری محفوظ رہا۔

#Pakistan: A policeman, who was deployed for the protection of a Sikh shopkeeper, was shot dead by unknown assailants in Peshawar, Khyber Pakhtunkhwa province. The Sikh shopkeeper managed to escape unhurt. https://t.co/AYaLqNH7s2

— ???? (@cozyduke_apt29) April 23, 2024

یہ افسوس ناک واقعہ پشاور میں پیش آیا جہاں تھانہ انقلاب میں تعینات ایکس سروس مین فرہاد خان نامعلوم دہشت گردوں کی فائرنگ سے ہلاک ہو گیا۔ فائرنگ کے بعد ملزمان فرار ہو گئے۔

پولیس کا کہنا ہے کہ فرہاد باغبان بازار میں سورچیت سنگھ کی دکان کی سیکیورٹی پر مامور تھا۔ نامعلوم موٹر سائیکل سوار دہشت گردوں کی فائرنگ سے سکھ شہری بال بال بچ گیا۔

پشاور : تھانہ انقلاب کی حدود باغبانان بازار میں گل جیت سنگھ کی سیکیورٹی پر مامور کانسٹیبل فرہاد خان نامعلوم شر پسندوں کی فائرنگ
سے شہادت کے عظیم مرتبے پر فائز ہو گئے۔ pic.twitter.com/sQFY9lieP3

— KP Police (@KP_Police1) April 23, 2024

واقعہ کی اطلاع ملتے ہی ایس ایس پی آپریشنز کاشف ذوالفقار، ایس پی صدر ڈویژن محمد زمان خان، ڈی ایس پی صدر ارباب نعیم حیدر دیگر پولیس کے ہمراہ فوری موقع پر پہنچ گئے، اہلکار کی لاش کو پوسٹ مارٹم کیلئے لیڈی ریڈنگ اسپتال منتقل کر دیا گیا ہے۔

پولیس کے مطابق فائرنگ کے بعد فرار ہونے والے حملہ آوروں کی تلاشی کے لئے علاقے کو گھیرے میں لے کر سرچ آپریشن شروع کر دیا گیا ہے۔