پنجاب: چکوال میں سی ٹی ڈی کی کارروائی، القاعدہ کا مبینہ دہشت گرد گرفتار، اسلحہ برآمد

اسلام آباد (ش ح ط) کاؤنٹر ٹیررازم ڈیپارٹمنٹ پنجاب نے ضلع چکوال میں کارروائی کرتے ہوئے مبینہ دہشت گرد کو گرفتار کرلیا۔

تفصیلات کے مطابق کاؤنٹر ٹیررازم ڈیپارٹمنٹ پنجاب نے انٹیلی جنس اطلاعات کی بنیاد پر چکوال میں کارروائی کرتے ہوئے ایک مبینہ دہشت گرد کو گرفتار کرلیا۔

سی ٹی ڈی حکام کے مطابق گرفتار دہشت گرد کا نام ارقم عزیز ہے، دہشت گرد کا تعلق القاعدہ برصغیر گروپ سے ہے، تفتیش کے دوران دہشت گرد کی نشاندہی پر بڑی تعداد میں اسلحہ اور بارودی مواد برآمد ہوا، جس میں 14 رائفلز، مشین گنز، گرنیڈ لاؤنچر، راکٹ لاؤنچر، گولیاں، بال بیرنگ اور دیگر مواد شامل ہے۔

https://twitter.com/ShabbirTuri/status/1458022928780443652?t=51Qgr34kDK3oRBpIUUTSbA&s=19

دہشت گرد حساس تنصیبات اور ہائی پروفائل اہداف کو نشانہ بنانا چاہتے تھے، دہشت گرد تفتیش کیلئے نامعلوم مقام پر منتقل کردیا گیا ہے جہاں اس سے مزید تفتیش کی جارہی ہے۔