چارسدہ کی ڈھائی سالہ ننھی بچی زینب قتل کیس کا مرکزی ملزم گرفتار، جنسی ادویات برآمد

چارسدہ (نمائندہ ڈیلی اردو) خیبر پختونخوا پولیس نے چارسدہ کی ڈھائی سالہ ننھی بچی زینب قتل کیس کے مرکزی ملزم کو میڈیا کے سامنے پیش کردیا۔

اس موقع پر پریس کانفرنس کے دوران ڈی پی او چارسدہ نے بتایا کہ ملزم کی شناخت لعل محمد کے نام سے ہوئی، ملزم زینب کے گھر کے قریب رہتا تھا جس نے بچی کو اٹھا کر کھیتوں میں لے جاکر زیادتی کا نشانہ بنایا اور گھاس کاٹنے والے آلہ سے قتل کیا۔

چارسدہ پولیس نے ڈھائی سالہ بچی کے ساتھ جنسی زیادتی اور قتل کرنے والے ملزم کو گرفتار کرلیا۔شیخ کلے سردریاب سے اغواء ہونے والی بچی جبہ کورونہ سےمردہ حالت میں برآمد ہوئی تھی۔
ملزم کا اعتراف، ملزم کی نشاندہی پر آلہ قتل درانتی، Sexual Tablet اور جوتی بھی برآمد، مزید تفتیش جاری ہے۔ pic.twitter.com/UfDFdIOk36

— KP Police (@KP_Police1) October 12, 2020

ڈی پی او چارسدہ کا کہنا تھا کہ ملزم لعل محمد کے گھر میں صرف بوڑھی ماں ہے اور وہ کوئی کام بھی نہیں کرتا جب کہ ملزم لعل محمد جنسی ادویات بھی استعمال کرتا ہے اور اس کے موبائل فون سے غیر اخلاقی مواد بھی برآمد ہوا ہے۔ ان کا کہنا تھا کہ ملزم کی گرفتاری کے لیے 400 گھروں کی پروفائلنگ کی گئی اور 350 افراد کو حراست میں لیا گیا جب کہ گرفتار ملزم کو آج عدالت میں پیش کیا جائے گا۔