ڈیرہ اسماعیل خان: تحریک طالبان پاکستان کے ٹھکانے سے بھاری مقدار میں اسلحہ اور گولہ بارود برآمد

ڈی آئی خان (توقیر حسین زیدی) صوبہ خیبر پختونخوا کے ضلع ڈیرہ اسماعیل خان میں سی ٹی ڈی اور سیکورٹی فورسز نے مشترکہ طور پر کارروائی کرتے ہوئے بھاری تعداد میں اسلحہ اور گولہ بارود برآمد کر لیا۔

نمائندہ ڈیلی اردو کے مطابق پیر کو اسلحہ اور گولہ بارود ڈیرہ اسماعیل خان کی تحصیل کلاچی کے علاقہ جہان خانی میں کالعدم تنظیم تحریک طالبان پاکستان گنڈا پور گروپ کے ٹھکانے سے برآمد کیا گیا۔

اسلحے میں 2 عدد راکٹ لانچر معہ 7 عدد گولے، 2 عدد خودکش جیکٹس، 3 عدد خودکش جیکٹ میں استعمال ہونے والے پل سوئچ، 3 عدد نان الیکٹرک ڈیٹونیٹر، پرائما کارڈ 62 فٹ، 34 عدد الیکٹرک ڈیٹونیٹر، 1 عدد بنڈو لئیر راکٹ لانچر، 6 عدد بیٹری 9 وولٹ، 10 عدد بیٹری 12 وولٹ،1 عدد انٹینا اور دیگر مواد شامل ہے۔