ڈیرہ اسماعیل خان: فائرنگ سے حساس ادارے کا اہلکار ہلاک، تحریک طالبان پاکستان نے ذمہ داری قبول کر لی

اسلام آباد (ش ح ط) صوبہ خیبر پختونخوا کے ضلع ڈیرہ اسماعیل خان میں ملٹری انٹیلجنس (ایم آئی) کے ایک مبینہ اہلکار کو ٹارگٹ کلنگ کا نشانہ بنایا گیا۔

یہ واقعہ جمعرات کو کینٹ پولیس اسٹیشن کے علاقے مریالی موڑ میں پیش آیا جہاں موٹر سائیکل سوار نامعلوم مسلح ملزمان نے چلتی گاڑی پر گولیاں برسا دیں۔ سفید رنگ کی گاڑی میں موجود حساس ادارے کا اہلکار موقع پر ہی دم توڑ گیا۔ فائرنگ کے بعد ملزمان فرار ہونے میں کامیاب ہوگئے۔

ہلاک اہلکار کی شناخت نقیب الرحمن کے نام سے ہوئی۔

https://twitter.com/ShabbirTuri/status/1443990693483991042?s=19

واقعے کے بعد ڈیرہ پولیس نے علاقے کو گھیرے میں لے کر ملزمان کی تلاش شروع کر دی۔

دوسری جانب کالعدم تنظیم تحریک طالبان پاکستان (ٹی ٹی پی) کے ترجمان محمد خراسانی نے حساس ادارے کے اہلکار پر حملے کی ذمہ داری قبول کرلی۔