ڈیرہ اسماعیل خان میں دو قبائلی عمائدین کی ٹارگٹ کلنگ

واشنگٹن (ش ح ط) پاکستان کے صوبے خیبر پختونخوا کے ضلع ڈیرہ اسماعیل خان میں ٹارگٹ کلنگ کے دو مختلف واقعات میں دو قبائلی عمائدین ہلاک ہوگئے۔

تفصیلات کے مطابق ڈیرہ اسماعیل خان میں دو مختلف واقعات میں جنوبی وزیرستان سے تعلق رکھنے والے دو قبائلی عمائدین کومسلح افراد نے گولیاں مار کر ہلاک کردیا گیا ہے۔

پولیس حکام کے مطابق ہلاک ہونے والےعمائدین کی شناخت وزیر قبائل کے گرینڈ جرگے کے رکن خیر محمدکے نام سے ہوئی ہے جبکہ دوسرے کی شناخت ملک سنجن کے نام سے ہوئی ہے۔

ڈیلی اردو کو ذرائع نے بتایا کہ ملک خیر محمد توری خیل کا تعلق وزیر قبیلے کے ذیلی شاخ اتمانزئی سے ہے جبکہ ملک سنگین کا تعلق احمد زئی وزیر قبیلے سے ہے۔

ملک خیر محمد کو تھانہ گومل یونیورسٹی کی حدود جبکہ ملک سنگین خان توجئے خیل کو تھانہ صدر کی حدود میں نشانہ بنایاگیا۔

گزشتہ شب ڈیرہ اسماعیل خان کی تحصیل کلاچی کے علاقے میں ٹارگٹ کلنگ کا ایک واقعہ پیش آیا جس میں ایک پولیس اہلکار خان بادشاہ ہلاک ہوا تھا۔

پولیس کی اب تک کی تفتیش کے مطابق تینوں واقعات میں مقتولین کوکلاشنکوف اور 30 بور پستول سے نشانہ بنائے گئے ، جبکہ واقعے کے بعد موٹر سائیکل سوار حملہ آور جائے وقوعہ سے فرار ہو گئے تھے۔