ڈیرہ اسماعیل خان میں سیکورٹی فورسز کا آپریشن، کمانڈر سمیت 3 شدت پسند ہلاک، پولیس اہلکار اغوا

واشنگٹن (ش ح ط) پاکستان کے صوبے خیبر پختونخوا کے ضلع ڈیرہ اسماعیل خان کی تحصیل کلاچی میں سکیورٹی فورسز نے خفیہ اطلاعات پر کامیاب کارروائی کرتے ہوئے کمانڈر سمیت تین شدت پسندوں کو ہلاک کردیا۔

سیکورٹی ذرائع نے ڈیلی اردو کو بتایا کہ تحصیل کلاچی کے علاقے مڈی میں سیکورٹی فورسز نے خفیہ اطلاعات پر کارروائی کی گئی۔

سیکورٹی حکام کے مطابق آپریشن میں کالعدم تحریک طالبان پاکستان کے کمانڈر فیصل عرف چونا سمیت 3 شدت پسند مارے گئے۔ جن کے قبضے سے اسلحہ اور بارود بھی برآمد ہوا۔

سیکورٹی حکام نے بتایا کہ دہشت گرد پولیس اور سیکیورٹی فورسز پر حملوں میں ملوث تھے۔

ہلاک دہشت گرد تھانہ کلاچی، درابن سمیت مختلف تھانوں میں دہشت گردی کے مقدمات میں نامزد تھے۔

پولیس اہلکار اغوا

دریں اثنا کلاچی سے شدت پسندوں نے پولیس اہلکار محمد اعظم کو اغواء کر لیا۔ ذرائع کے مطابق محمد اعظم تھانہ یونیورسٹی میں تفتیشی شعبہ میں تعینات تھا۔