ڈیرہ اسماعیل خان میں فائرنگ سے فرنٹیئر کور کا اہلکار ہلاک، ڈی ایس پی دہشت گردانہ حملے میں بال بال بچ گئے

ڈی آئی خان (نمائندہ ڈیلی اردو) صوبہ خیبر پختونخوا کے ضلع ڈیرہ اسماعیل خان میں نامعلوم دہشت گردوں کی فائرنگ سے سیکیورٹی فورسز کا ایک اہلکار ہلاک ہو گیا۔ جبکہ

ڈیلی اردو کے مطابق ڈیرہ اسماعیل خان کے علاقے یارک میں دہشت گردوں کی فائرنگ سے فرنٹیئر کور (ایف سی) کے بلوچستان کا اہلکار عمر خان ہلاک ہوگیا۔

عمر خان کو رات گئے نامعلوم دہشت گردوں نے ٹارگٹ کلنگ کا نشانہ بنایا اور فرار ہوگئے۔

دوسرا واقعہ میں ڈی ایس پی سٹی دہشت گردوں کے حملے میں بال بال بچ گئے۔ پولیس کے مطابق ڈیرہ اسماعیل خان میں رات گئے تھانہ صدر نیازی چوک پر ڈی ایس پی سٹی محمد عدنان خان پر نامعلوم دہشت گردوں نے فائرنگ کردی تاہم وہ قاتلانہ حملے میں محفوظ رہے۔

پولیس کے مطابق جوابی فائرنگ سے حملہ آور اپنا موٹر سائیکل چھوڑ کر فرار ہوگئے۔