ڈیرہ اسماعیل خان: نامعلوم افراد نے فائرنگ کر کے صحافی امان اللہ کو قتل کر دیا

ڈیرہ اسماعیل خان (ڈیلی اردو) خیبر پختونخوا کے ضلع ڈیرہ اسماعیل خان میں نامعلوم افراد نے مقامی رپورٹر کو فائرنگ کرکے قتل کردیا۔

پولیس کے مطابق مقامی صحافی امان اللہ آج صبح کسی کام کی غرض سے لنڈا اڈہ گیا تھا جہاں نامعلوم افراد نے اس پر فائرنگ کردی جس کے نتیجے میں وہ موقع پر جاں بحق ہوگیا۔

ذرائع کے مطابق امان اللہ کافی عرصے سے مقامی اخبار میزان عادل کے ساتھ رپورٹر کے حیث پر کام کررہا تھا۔

پولیس نے لاش کو قبضے میں لے کر تفتیش شروع کردی ہے۔

ذرائع کے مطابق امان اللہ کی کسی کے ساتھ دشمنی کی کوئی معلومات سامنے نہیں آئی۔

واضح رہے کہ ملک بھر میں 5 برسوں کے دوران 27 سے زائد صحافیوں کو قتل کیا گیا تاہم کسی ایک قاتل کو بھی سزا نہیں دی گئی