کراچی سے داعش کے 2 دہشت گرد گرفتار، اسلحہ اور ہینڈ گرنیڈ برآمد

کراچی (ڈیلی اردو) وفاقی حساس ادارے اور ملیر پولیس نے کالعدم تنظیم داعش سے تعلق رکھنے والے دو دہشت گرد گرفتار کرلیے۔

تفصیلات کے مطابق کراچی میں وفاقی حساس ادارے اور ملیر پولیس نے شاہ لطیف میں مشترکہ کارروائی کی اور کارروائی کے دوران کالعدم تنظیم داعش سے تعلق رکھنے والے دو دہشت گرد گرفتار کرلیے۔

https://twitter.com/PoliceMediaCell/status/1545500659931574272?t=tf0-X9tfslQgA2GrRtK4AQ&s=19

ترجمان ملیر پولیس نے بتایا کہ گرفتار دہشت گرد محمد نعیم عرف عادل اور محمد شکیل عرف وقاص آپس میں بھائی ہیں، ملزمان سے اسلحہ، گرینیڈ اور موبائل فونز بھی برآمد ہوئے۔

ترجمان کے مطابق ملزمان نے نوجوانوں کی ذہن سازی کر کے دہشت گردی کی تربیت کیلئے افغانستان بھیجنے کا انکشاف کیا جبکہ پاکستان میں تخریبی کارروائیوں میں حصہ لینے کا بھی اعتراف کیا۔

پولیس نے بتایا کہ ملزمان داعش سیٹ اپ کی ازسرنو تشکیل کی کوشش کر رہےتھے، دونوں دہشت گرد داعش پاکستان کے اہم کمانڈرز رضوان بروہی اور عدنان عرف عمار کے سالے ہیں۔

حکام کا کہنا تھا کہ ملزمان کے داعش سمیت دیگر کالعدم دہشتگرد تنظیموں سے رابطے تھے۔