کراچی سے دولتِ اسلامیہ (داعش) کے دو دہشت گرد گرفتار

کراچی (بیورو رپورٹ) کاؤنٹر ٹیررازم ڈیپارٹمنٹ (ڈی ٹی ڈی) اور حساس اداروں نے کراچی میں کارروائی کرتے ہوئے شدت پسند تنظیم نام نہاد دولت اسلامیہ (داعش) سے تعلق رکھنے والے دو دہشت گردوں کو گرفتار کر لیا۔

https://twitter.com/ShabbirTuri/status/1442403347688919042?s=19

انچارج سی ٹی ڈی مظہر مشہوانی نے بتایا کہ گرفتار دہشت گردوں میں نسیم اللہ عرف نسیم اور محمد عیسیٰ عرف مولودی ادریس شامل ہیں، دونوں نے افغانستان کے علاقے شورآوک، برامچہ سے دہشت گردی کی تربیت حاصل کی اور دونوں دہشت گرد ہر طرح کا اسلحہ چلانے اور بارودی مواد کے ذریعے دھماکا کرنے کے ماہر ہیں۔

انچارج سی ٹی ڈی کا کہنا تھا کہ گرفتار ملزمان بارودی مواد سے دھماکے میں بھی ماہر ہیں جب کہ ملزم نسیم اللہ داعش کے ہلاک دہشت گرد حفیظ پندرانی اور صدیق کا داماد ہے۔

انچارج سی ٹی ڈی نے مزید بتایا کہ نسیم اللہ نے دونوں دہشت گردوں کی بیٹیوں سے شادی کی تھی، ہلاک دہشت گردوں کی بیٹیاں اسلحہ و بارود نقل حرکت میں مدد کرتی تھی۔

نسیم اللہ 2013 میں عبداللہ بروہی کے کہنے پر کوئٹہ سے خضدار اسلحہ اور بارود سے بھری ڈاٹسن لے کر گیا تھا اور اسلحہ اور بارود سے بھری ڈانس عبداللہ بروہی کے حوالے کی تھی۔

دہشتت گردوں کو مزید تفتیش کے لئے نامعلوم مقام پر منتقل کردیا گیا ہے اور مزید اہم انکشافات کی توقع ہے۔

واضح رہے کہ سی ٹی ڈی گوجرانوالہ نے بھی سال کے آغاز میں چوہدری ٹاؤن سیالکوٹ میں کارروائی کرتے ہوئے داعش سے تعلق رکھنے والے دہشت گرد کو گرفتار کیا تھا، دہشتگرد سے داعش کا ممنوعہ لٹریچر برآمد کیا گیا تھا جس کے ذریعے انتہا پسندی کی ترغیب دی جارہی تھی۔