کراچی میں سی ٹی ڈی کا آپریشن، کالعدم تحریک طالبان پاکستان کے 2 دہشت گرد گرفتار

کراچی (بیورو رپورٹ) صوبہ سندھ کے صوبائی دارالحکومت کراچی کے ضلع کیماڑی میں کاؤنٹر ٹیررزم ڈیپارٹمنٹ (سی ٹی ڈی) نے آپریشن کے دوران کالعدم تحریک طالبان پاکستان (ٹی ٹی پی) کے 2 دہشت گردوں کو گرفتار کرلیا۔

ترجمان کے مطابق سی ٹی ڈی سندہ نے ضلع کیماڑی کے مختلف علاقوں میں آپریشن کیا جس میں 30 مشتبہ افراد کو ’تلاش ایپ‘ کے ذریعے چیک کیا گیا۔

آپریشن کے دوران کالعدم ٹی ٹی پی سے تعلق رکھنے والے 2 ملزمان کو غیرقانونی اسلحہ رکھنے کے جرم میں گرفتار کرکے تھانہ سی ٹی ڈی میں مقدمات بھی درج کرلیے گئے۔

ترجمان سی ٹی ڈی سندھ کے مطابق ملزم جمیل اور امیر حاتم کا تعلق کالعدم تحریک طالبان سے ہے، ملزم امیر حاتم کالعدم تنظیم کے دہشت گرد محمد نعیم عرف خاکسار کا بھائی ہے۔