کراچی میں پولیس اور حساس اداروں کی کارروائی، بھارتی جاسوس اور پاکستانی سہولت کار گرفتار

کراچی (ڈیلی اردو/یو این پی) صوبہ سندھ کے صوبائی حکومت کراچی میں تھانہ کلاکوٹ کی حدود سے بھارتی جاسوس گرفتار کر لیا گیا۔

بھارتی جاسوس کے ساتھ ایک مقامی سہولت کار بھی موجود تھا، خفیہ اطلاع ملنے پر پولیس اور حساس ادارے نے فوری کارروائی کرتے ہوئے دونوں کو حراست میں لے لیا۔

جاسوس اور پاکستانی سہولت کار سے 2 بھارتی پاسپورٹ، ایک پستول اور 5 لاکھ ایرانی کرنسی برآمد کر لی گئی۔

ملزمان کی شناخت اکھل دیو ولد مدھو سدھاناں جالیکھا اور ظہور احمد ولد امام بخش کے ناموں سے ہوئی ہے۔

ملزمان کو علاقہ تھانہ کلاکوٹ کی حدود سے گرفتار کیا گیا، ملزم اکھل دیو انڈین جاسوس ہے جو کہ پاکستان کے مختلف اہم اور حساس مقامات کی جاسوسی کر رہا تھا، ملزم کو گرفتار کرکے مزید تحقیقات کی جا رہی ہیں۔

دونوں ملزمان سے بڑے انکشافات متوقع ہیں جب کہ ملزمان کے دیگر ساتھیوں کی گرفتاری کیلئے چھاپے مارے جارہے ہیں۔

حساس اداروں نے جاسوس کو تفتیش کیلئے نامعلوم مقام پر منتقل کر دیا۔