کراچی پولیس نے بلوچ لبریشن آرمی اور تحریک طالبان پاکستان کے 4 دہشت گردوں کو گرفتار کرلیا

کراچی (ڈیلی اردو) سندھ پولیس نے کراچی کے علاقے شیر شاہ کے قریب کارروائی کرتے ہوئے 4 دہشت گردوں کو گرفتار کرکے ان کے قبضے سے اسلحہ برآمد کرلیا۔

ایس ایس پی کیماڑی فدا حسین جانوری کے مطابق شیر شاہ پولیس نے پراچہ قبرستان میں انٹیلی جنس بیسڈ پر کارروائی کی، کارروائی کے دوران کالعدم بلوچ لبریشن آرمی (بی ایل اے) اور تحریک طالبان پاکستان (ٹی ٹی پی) کے 4 دہشت گردوں کو گرفتار کرلیا گیا۔

اس حوالے سے ایس ایس پی کیماڑی کراچی فدا حسین جانوری نے بتایا کہ پولیس کی جانب سے کراچی کے علاقے شیر شاہ میں واقع قبرستان میں دہشت گردوں کی موجودگی سے متعلق ملنے والی خفیہ اطلاعات پر کارروائی عمل میں لائی گئی اس دوران 4 دہشت گردوں کو گرفتار کیا گیا، جن کے قبضے سے 3 عدد پستول، منشیات اور موٹر سائیکل موٹر سایئکل سمیت دیگر حساس آلات بھی برآمد ہوئے۔

کراچی پولیس کے مطابق ریان عرف ریو بین الاقوامی سزا یافتہ ملزم ہے۔ ملزم اس سے قبل سعودی عرب میں منشیات کیس میں گرفتار ہوچکا ہے۔

فدا حسین جانوری کا کہنا تھا کہ مبینہ دہشت گردوں کو تفتیش کیلئے نامعلوم مقام پر منتقل کیا گیا ہے جبکہ دہشت گردوں کے خلاف مقدمہ بھی درج کرلیا گیا۔