کوئٹہ: سی ٹی ڈی کی سوراب میں کارروائی، یونائیٹڈ بلوچ آرمی کے 2 دہشت گرد گرفتار

کوئٹہ (بیورو رپورٹ) کاؤنٹر ٹیررازم ڈیپارٹمنٹ (سی ٹی ڈی) نے صوبہ بلوچستان میں کارروائی کرتے ہوئے کالعدم تنظیم یونائیٹڈ بلوچ آرمی (یو بی اے) کے دو دہشت گردوں کو گرفتار کر لیا۔

ذرائع کے مطابق سی ٹی ڈی نے صوبائی دارالحکومت کوئٹہ سے تقریباً تین سو کلومیٹر دور جنوب مشرق میں واقع سوراب میں ایک مکان میں دہشتگردوں کی موجودگی کی اطلاع پر چھاپہ مار کر وہاں موجود یونایٹڈ بلوچ آرمی کے دو دہشت گردوں کو گرفتار کرلیا۔

سی ٹی ڈی کا کہنا ہے کہ دہشت گردوں کے خلاف آپریشن خفیہ اطلاع پر کیا گیا۔

ملزمان کے قبضے سے بھاری مقدار میں بارودی مواد، ٹراما کارڈ، ڈیٹونٹر اور دستی بم برآمد بھی برآمد کئے گئے۔ سی ٹی ڈی نے ملزمان کو مزید تحقیقات کے لئے نامعلوم مقام پر منتقل کردیا ہے۔

ملزمان سے مزید انکشافات کی توقع ہے۔