کوہاٹ میں کاغزئی چیک پوسٹ پر حملہ، تین پولیس اہلکار زخمی

اسلام آباد (ش ح ط) صوبہ خیبر پختونخوا کے ضلع کوہاٹ میں پولیس چیک پوسٹ پر نامعلوم ملزمان نے فائرنگ کی ہے جس کے نتیجے میں تین اہلکار شدید زخمی ہو گئے۔

https://twitter.com/ShabbirTuri/status/1548744458342383616?t=r3GiPCY_97PVRUKed-vZjQ&s=19

پولیس کے مطابق گزشتہ شب گیارہ بجے کے قریب کاغزئی چیک پوسٹ پر نامعلوم مسلح افراد نے فائرنگ کر دی جس کے نتیجے میں چوکی کو جزوی نقصان پہنچنے کے ساتھ ساتھ 3 پولیس اہلکار چوکی انچارج رفیع اللہ، کانسٹیبل شمیر الحسن اور میر عباس شدید زخمی ہوئے، پولیس پارٹی کی بروقت کارروائی اور تعاقب کے بعد مسلح افراد فرار ہوگئے۔

کوہاٹ پولیس کا اس حوالے سے کہنا ہے کہ پولیس کے زخمی ہونے والے تینوں اہلکاروں کو پشاور کے ہسپتال منتقل کر دیا گیا ہے جہاں ان کی حالت خطرے سے باہر ہے۔

واقعے کے فوری بعد سیکیورٹی فورسز نے علاقے کو گھیرے میں لیتے ہوئے سرچ آپریشن شروع کر دیا۔