کیف میں روسی میزائل حملہ، یوکرینی کابینہ کی چھت و بالائی منزلیں تباہ

کیف (ڈیلی اردو/نیوز ایجنسیاں) یوکرین کے وزیرِ اعظم یولیا سویریڈینکو نے بتایا ہے کہ روس کے حملوں میں پہلی بار یوکرین کی حکومت کی مرکزی کابینہ کی عمارت کو نشانہ بنایا گیا ہے۔ انہوں نے کہا کہ دشمن کے حملوں کے باعث عمارت کی چھت اور بالائی منزلوں کو شدید نقصان پہنچا ہے اور فائر فائٹرز موقع پر آگ بجھانے میں مصروف ہیں۔

دوسری جانب، حکام نے بتایا کہ کیف میں ایک نو منزلہ رہائشی عمارت پر روسی حملے کے نتیجے میں ایک بچہ اور ایک نوجوان خاتون ہلاک ہو گئے ہیں، جبکہ امدادی ٹیمیں تیسرے شخص کی تلاش کر رہی ہیں۔

مزید برآں، نووپاولیوکا گاؤں میں ایک خاتون کو روسی حملے میں ہلاک ہونے کی اطلاعات ہیں۔

یوکرین کی فضائیہ کے مطابق، روس کی تازہ ترین کارروائی میں 800 سے زائد ڈرون اور میزائل استعمال کیے گئے، جو اب تک کی سب سے بڑی تعداد قرار دی گئی ہے۔