ہنگو: دوابہ میں نامعلوم افراد کی فائرنگ سے ٹریفک پولیس کے سب انسپکٹر سمیت دو اہلکار ہلاک

ہنگو (ڈیلی اردو) صوبہ خیبرپختونخوا کے ضلع ہنگو کی تحصیل دوابہ میں نامعلوم موٹر سائیکل سوار مسلح افراد نے فائرنگ کر کے ٹریفک پولیس افسر سمیت دو اہلکاروں کو ہلاک کردیا۔

پولیس حکام کے مطابق ضلع ہنگو کے علاقہ دوابہ میں نامعلوم موٹر سائیکل سوار مسلح افراد نے فائرنگ کرکے ٹریفک پولیس کے سب انسپکٹر سمیت دو پولیس اہلکاروں کو ہلاک کردیا۔

ہلاک ہونے والے اہلکاروں کی شناخت سب انسپکٹر آئین حسین اور کانسٹیبل سپین زر کے نام سے ہوئی ہے۔

https://twitter.com/ShabbirTuri/status/1488107877562789893?t=Gh7yvFZVvijyh97Dh5SW-g&s=19

پولیس حکام نے بتایا کہ پولیس اہلکار اپنی ڈیوٹی انجام دے رہے تھے، کہ اس دوران ان پر حملہ کردیا گیا، مسلح ملزمان موٹر سائیکل پر سوار تھے اور واردات کے بعد فرار ہوگئے۔

واقعے کی اطلاع ملتے ہی پولیس کی بھاری نفری جائے وقوعہ پر پہنچ گئی، اور شواہد اکٹھے کرکے تحقیقات شروع کردی گئی ہے، جب کہ علاقے کو گھیرے میں لے کر سرچ آپریشن شروع کردیا گیا ہے۔