یمن میں سعودی اتحادی طیاروں کی سکول پر بمباری، 7 بچوں سمیت 13 شہید، 100 زخمی

صنعا (نیوز ڈیسک) یمن میں اتحادی افواج کے طیاروں نے شہری علاقوں کو نشانہ بنایا جس کے نتیجے میں اسکول کے 7 طلبا سمیت 13 شہری شہید ہو گئے جب کہ 100 افراد زخمی ہیں۔

بین الاقوامی خبر رساں ادارے کے مطابق صنعا میں حوثی باغیوں کے اکثریتی علاقے میں اتحادی فوجیوں نے فضائی بمباری کی، جس کے نتیجے میں کئی گھر اور ایک اسکول تباہ ہوگئے۔

https://twitter.com/HussainBukhaiti/status/1114951659774517248?s=19

فضائی حملے میں اسکول کے 7 بچوں سمیت 13 شہری شہید ہوئے جب کہ زخمیوں کی تعداد 100 سے تجاوز کر گئی ہے۔

Just imagine if your children were scared like that from #US & #uk bombs used by #Saudi!
This is the moment when children were running away terrified from the bombardement by #Saudi led coalition warplanes next to their school in Sa'wan area #Sanaa. #Yemen. pic.twitter.com/NNBNoJehhg

— Ahmad Algohbary (@AhmadAlgohbary) April 7, 2019

زخمیوں کی نازک حالت، طبی سہولیات کے فقدان اور متاثرہ علاقے سے اسپتال تک رکاوٹوں کے باعث شہادتوں میں اضافے کا خدشہ ہے۔ فضائی حملے میں تباہ ہونے والے اسکول میں 2100 طلبا زیر تعلیم تھے جن میں لڑکیاں بھی شامل ہیں، زخمیوں میں بھی زیادہ تر اسکول کے طلبہ و طالبات شامل ہیں۔

https://twitter.com/Fatikr/status/1114934246542647296?s=19

واضح رہے کہ یمن میں 2014 سے جاری خانہ جنگی میں لاکھوں افراد بے گھر ہوگئے ہیں جب کہ 10 ہزار سے زائد ہلاکتیں ہوئیں اور 25 ہزار کے لگ بھگ افراد بری طرح زخمی ہوئے۔

یونیسیف نے خانہ جنگی کے باعث یمن میں 85000 سے زائد بچوں کے خوراک کی کمی کے باعث جاں بحق ہونے کا انکشاف کیا تھا