یمن میں علیحدگی پسند تنظیم ایس ٹی سی تحلیل

صنعاء (ڈیلی اردو ) خانہ جنگی کے شکار ملک یمن میں ایک بااثر علیحدگی پسند گروپ، جنوبی عبوری کونسل (ایس ٹی سی) نے خود کو تحلیل کر دینے کا اعلان کر دیا ہے۔

آج جمعہ نو جنوری کو ٹیلی ویژن پر نشر ہونے والے ایک بیان کے مطابق، ایس ٹی سی کے ارکان اور اس سے وابستہ تنظیموں نے اس کونسل کو ختم کر دینے پر اتفاق کر لیا۔ بیان میں مزید کہا گیا کہ کونسل اپنے مقاصد حاصل کرنے میں ناکام رہی تھی۔

ایس ٹی سی یمن میں ایک علیحدگی پسند سیاسی تنظیم تھی۔

متحدہ عرب امارات کی حمایت سے 2017 میں قائم ہونے والی اس کونسل کا مقصد ایک آزاد جنوبی یمنی ریاست کا قیام تھا، بالکل ویسی ہی ریاست جیسی 1967 اور 1990 کے درمیانی عرصے میں اور ملک کے دونوں حصوں کے دوبارہ متحد ہونے سے پہلے موجود تھی۔

کونسل نے وضاحت کی کہ اس کے تحلیل کر دیے جانے کا مقصد سعودی دارالحکومت ریاض میں جنوبی یمن کے مستقبل کے حوالے سے منعقد ہونے والی ایک کانفرنس میں شرکت کی راہ ہموار کرنا ہے۔