یوکرینی حملے سے روس کا جنگی فیکٹری تباہ

کییف (ڈیلی اردو/ڈی پی اے) یوکرین نے دعویٰ کیا ہے کہ اس نے روس کے بریانسک نامی علاقے میں واقع ایک ایسے اہم کیمیکل پلانٹ پر کامیاب میزائل اور فضائی حملہ کیا ہے، جو ماسکو کو بارود، دھماکہ خیز مواد اور راکٹ ایندھن فراہم کرتا ہے۔

یوکرینی فوج کے مطابق، ’’اسٹورم شیڈو میزائل‘‘ روسی فضائی دفاعی نظام کو چیرتے ہوئے ہدف تک پہنچے، تاہم حملے کے مکمل نتائج کا ابھی جائزہ لیا جا رہا ہے۔

زیلنسکی کا سویڈن کا دورہ

یوکرین کے صدر وولودیمیر زیلنسکی اس وقت سویڈن کے دورے پر ہیں، جہاں وہ دفاعی برآمدات کے معاہدے پر بات چیت کر رہے ہیں۔

ٹرمپ-پوٹن سربراہی ملاقات: غیر یقینی صورتحال

دوسری جانب کریملن نے تصدیق کی ہے کہ روسی صدر ولادیمیر پوٹن اور امریکی صدر ڈونلڈ ٹرمپ کے درمیان سربراہی اجلاس کی تیاری جاری ہے، حالانکہ ٹرمپ نے اپنے ایک حالیہ بیان میں کہا تھا کہ وہ  ’’غیر نتیجہ خیز ملاقات‘‘ نہیں چاہتے۔

کریملن کے ترجمان دمتری پیسکوف کے بقول، ’’نہ صدر ٹرمپ وقت ضائع کرنا چاہتے ہیں، نہ ہی صدر پوٹن۔‘‘

ٹرمپ نے گزشتہ ہفتے بوڈاپیسٹ میں دونوں صدور کی دوسری ملاقات کی تجویز دی تھی، لیکن پھر اسی ہفتے منگل کو وہ اس تجویز سے پیچھے ہٹ گئے تھے۔

زیلنسکی کا امن تجویز پر ردعمل

یوکرینی صدر زیلنسکی نے صدر ٹرمپ کی تجویز کی حمایت کی ہے کہ موجودہ محاذ آرائی کو مذاکرات کی بنیاد بنایا جائے، لیکن انہوں نے اس بارے میں شکوک کا اظہار کیا کہ آیا صدر پوٹن اس پر رضامند ہوں گے۔

کریملن کے لیے ٹرمپ اور پوٹن کی مجوزہ ملاقات خاص اہم نہیں

کریملن نے ٹرمپ اور پوٹن کی مجوزہ سربراہی ملاقات کی منسوخی کو کم اہمیت دی ہے۔

زیلنسکی نے ٹرمپ کی جنگ بندی تجویز کی حمایت کی، لیکن پوٹن کی رضامندی پر شکوک کا اظہار کیا۔

یوکرینی صدر وولودیمیر زیلنسکی نے کہا ہے کہ وہ امریکی صدر ڈونلڈ ٹرمپ کی اس تجویز کی حمایت کرتے ہیں کہ روس کے ساتھ مذاکرات کی بنیاد موجودہ محاذ جنگ کو بنایا جائے، تاہم انہوں نے سوال اٹھایا کہ آیا روسی صدر ولادیمیر پوٹن بھی اس پر رضامند ہوں گے؟

زیلنسکی نے اوسلو کے اپنے مختصر دورے کے دوران صحافیوں سے گفتگو کرتے ہوئے کہا، ’’ٹرمپ نے تجویز دی ہے کہ جہاں ہم ہیں، وہیں رکیں اور بات چیت شروع کریں۔‘‘