آبنائے ہرمز کے قریب امریکی حملے، ایرانی نیوی اور آئی آر جی سی کو بھاری نقصان

واشنگٹن (ڈیلی اردو) امریکی سینٹرل کمان (سینٹکام) کا کہنا ہے کہ جنوبی ایران میں فضائی حملے کیے گئے ہیں جن میں ڈرون لانچنگ تنصیبات کو نشانہ بنایا گیا۔

سینٹکام کے مطابق امریکی فورسز نے ایران کی ان تنصیبات پر کارروائی کی جو آبنائے ہرمز سے منسلک علاقے میں موجود تھیں۔ بیان میں کہا گیا ہے کہ بارودی سرنگیں بچھانے والی ایرانی کشتیوں کو بھی نشانہ بنایا گیا۔

امریکی سینٹرل کمان کا کہنا ہے کہ جاری جنگ بندی کے دوران امریکی فوج تحمل کا مظاہرہ کرتے ہوئے اپنی افواج کا دفاع کرے گی۔

اس سے قبل ایران کے شہر بندر عباس میں ایک درجن سے زائد دھماکوں کی آوازیں سنی گئی تھیں، جبکہ ایرانی میڈیا نے دعویٰ کیا تھا کہ صورتحال قابو میں ہے اور تشویش کی کوئی بات نہیں۔

رپورٹس کے مطابق امریکی فضائی حملوں میں ایرانی نیوی اور پاسدارانِ انقلاب (آئی آر جی سی) کے متعدد اہلکار ہلاک ہوئے ہیں۔