ابوظہبی نیوکلیئر پاور پلانٹ پر ایرانی حملہ، آئی اے ای اے کا شدید تشویش کا اظہار

نیو یارک (ڈیلی اردو) بین الاقوامی جوہری توانائی ایجنسی (آئی اے ای اے) نے متحدہ عرب امارات میں نیوکلیئر پاور پلانٹ پر ہونے والے ایرانی ڈرون حملے پر گہری تشویش کا اظہار کیا ہے۔

آئی اے ای اے کے مطابق واقعے میں پاور پلانٹ کے نزدیک ایک بجلی کے جنریٹر میں آگ بھڑک اٹھی، تاہم اماراتی حکام نے بتایا ہے کہ آگ پر قابو پا لیا گیا ہے اور نیوکلیئر تنصیب محفوظ رہی ہے۔

نیو کلیئر ایجنسی نے تصدیق کی ہے کہ واقعے کے بعد علاقے میں تابکاری کی سطح معمول کے مطابق ہے۔ 

آئی اے ای اے کے ڈائریکٹر جنرل رافیل گروسی نے اس نوعیت کی کارروائیوں کو جوہری تحفظ کے لیے خطرہ قرار دیتے ہوئے کہا ہے کہ ایسی فوجی سرگرمیاں ناقابلِ قبول ہیں۔

حکام کے مطابق حملے کے ذمہ دار کے بارے میں ابھی کوئی سرکاری اعلان نہیں کیا گیا۔

براکہ نیوکلیئر پاور پلانٹ، جو امارات نیوکلیئر انرجی کارپوریشن اور جنوبی کوریا کی ایک کمپنی کے تعاون سے تعمیر کیا گیا، متحدہ عرب امارات کے شمال مغربی علاقے میں واقع ہے۔