اسرائیلی فوجی جیپ نے فلسطینی مزدور کو ٹکر مار کر ہلاک کر دیا

وادی اردن (ڈیلی اردو) گذشتہ روز اسرائیلی فوجیوں ‌نے وادی اردن کے علاقے میں ایک فلسطینی مزدور پر جیپ چڑھا دی جس کے نتیجے میں وہ شدید زخمی ہوگیا۔ اسے ہسپتال منتقل کیا گیا جہاں وہ زخموں کی تاب نہ لاتے ہوئے دم توڑ گیا۔

مرکز اطلاعات فلسطین کے مطابق منگل کے روز اسرائیلی فوج نے طولکرم میں متعدد فلسطینی مزدوروں پر فائرنگ کرکے انہیں زخمی کردیا تھا۔

مقامی فلسطینی ذرائع نے بتایا کہ اسرائیلی فوجیوں نے دانستہ طور پر فوجی جیپ فلسطینی مزدور ساھر ابراہیم دراغمہ پر چڑھا دی۔ اس واقعے میں اس کا بھائی زخمی ہوگیا۔

ہلال احمر کے مطابق یہ واقعہ شمالی وادی اردن کے علاقے وادی المالح میں پیش آیا جب اسرائیلی فوجیوں ‌نے ایک جیپ نے دو فلسطینیوں‌ کو کچل ڈالا۔ دونوں حقیقی بھائی تھے۔ انہیں زخمی حالت میں ہسپتال منتقل کیا گیا جہاں ابراہیم دراغمہ دم توڑ گیا۔