اسرائیل نے دو سٹیل فیکٹریاں، پاور پلانٹ اور جوہری تنصیبات کو نشانہ بنایا، ایران

تہران (ڈیلی اردو) ایران کے وزیرِ خارجہ عباس عراقچی نے کہا ہے کہ اسرائیل نے ایران کی دو بڑی اسٹیل فیکٹریوں، ایک پاور پلانٹ اور دیگر بنیادی ڈھانچے کے علاوہ سویلین جوہری مقامات کو نشانہ بنایا ہے۔

عباس عراقچی کے مطابق، اسرائیل کا دعویٰ ہے کہ اس نے امریکہ کے ساتھ مل کر یہ کارروائی کی اور یہ صدر ٹرمپ کی جانب سے دی گئی ڈیڈ لائن سے بھی متصادم ہے۔

انہوں نے کہا کہ ایران اس پر بھرپور ردعمل دے گا۔

اسرائیلی فوج نے وسطی ایران میں آراک ہیوی واٹر پلانٹ پر حملہ کیا، اور بی بی سی ویریفائی نے تصاویر کی تصدیق کی ہے جن میں ری ایکٹر کے قریب آگ اور دھواں اٹھتا ہوا دکھائی دیتا ہے۔

ایران کے جوہری توانائی کے ادارے نے تصدیق کی ہے کہ اراک کی تنصیب کو دو بار نشانہ بنایا گیا، تاہم کسی جانی نقصان کی اطلاع نہیں ملی۔