اسلام آباد یونائیٹڈ نے لاہور قلندرز کو 49 رنز سے شکست دیدی

کراچی (ڈیلی اردو) پاکستان سپر لیگ سیزن 4 کے 27 ویں میچ میں اسلام آباد یونائیٹڈ نے لاہور قلندرز کو 49 رنز سے شکست دیدی۔

اسلام آباد یونائیٹڈ نے مقررہ 20 اوورز میں پی ایس ایل کی تاریخ کا سب سے بڑا سکور 238 بورڈ پر لگایا جس کے جواب میں لاہور قلندرز کی ٹیم مقررہ 20 اوورز میں 184رنز بنا سکی۔

تفصیلات کے مطابق قبل کراچی میں ہونے والے رواں سیزن کے پہلے میچ میں ٹاس کے لیے فخر زمان اور محمد سمیع میدان میں آئے ۔فخر زمان نے ٹاس جیت کر پہلے فیلڈنگ کا فیصلہ کیا۔

اسلام آباد یونائیٹڈ کی جانب سے لیوک رونکی تو پہلی ہی گیند پر آوٹ ہو گئے لیکن پھر ڈیلپورٹ نے پہلے اوور سے دھلائی کا ایسا سلسلہ شروع کیا جومقررہ بیس اوورز تک جاری رہا۔ ڈیلپورٹ نے 60 گیندوں پر 117، والٹن نے 30 گیندوں پر 48 اور آصف علی نے 21 گیندوں پر 55 سکور بنائے۔

اسلام آباد یونائیٹڈ کے 238رنز کے جواب میں لاہور قلندرز کے بلے باز میدان میں اترے تو کوئی بھی پچ پر زیادہ دیر ٹھہر نہ سکا لیکن ایسی صورتحال میں بھی سہیل اختر نے 34گیندوں پر 75رنز بنا ڈالے۔

لاہور قلندرز کی جانب سے فخر زمان نے 38،ڈویک نے 18،ویزلز نے 20، حارث سہیل نے صفر ،ویزے نے 12، آغا سلمان نے 3، شاہین آفریدی 1اور حارث سہیل 7سکور بنا کر آوٹ ہوئے ۔اسلام آباد یونائیٹڈ کی جانب سے فہیم اشرف نے 6وکٹیں حاصل کیں۔