افغانستان: طالبان سیکورٹی فورسز نے داعش کے کمانڈر سمیت 3 عسکریت پسندوں کو ہلاک کردیا

کابل (ڈیلی اردو/شِنہوا) افغان سیکورٹی فورسز نے مشرقی صوبے لغمان میں داعش کے کم از کم 3 عسکریت پسندوں کو ہلاک کردیا۔

https://twitter.com/Natsecjeff/status/1552634405633626113?t=TVLxn8T34ENSDC_Xtp64Xw&s=19

صوبائی گورنر کے ترجمان صلاح الدین زاہد نے خبر رساں ادارے شِنہوا کو بتایا کہ سیکورٹی فورسز نے صوبے کے علی نگار ضلع کے کنڈا گل علاقے میں داعش عسکریت پسندوں کے ایک گروپ پر حملہ کیا۔

ترجمان کے مطابق ہلاک ہونے والوں میں کمانڈر فیروز بھی شامل ہے، جو صوبہ لغمان کے لیے داعش کا نامزد گورنر تھا۔

گزشتہ ہفتے بھی ملک کے شمالی صوبہ سمنگان میں داعش سے وابستہ تین شدت پسندوں کو ہلاک کیا گیا تھا اور ان کے قبضے سے 40 ہتھیار برآمد کیے تھے۔