افغان دارالحکومت کابل میں منی بس میں دھماکا، 3 افراد ہلاک، 4 زخمی

کابل (ڈیلی اردو/نیوز ایجنسی) افغانستان کے دارالحکومت کابل میں ایک منی بس میں دھماکا ہوا ہے جس کے نتیجے میں 3 افراد ہلاک اور 4 زخمی ہوگئے۔

میڈیا رپورٹس کے مطابق کابل پولیس کے ترجمان خالد زدران نے اپنے سوشل میڈیا اکاؤنٹ X پر تصدیق کی ہے کہ ’آج مقامی وقت کے مطابق سہ پہر 3:50 بجے کابل کے پولیس ڈسٹرکٹ 16 میں ایک منی بس میں دھماکہ ہوا جس کے نتیجے میں 3 افراد ہلاک اور 4 زخمی ہوگئے۔‘

پولیس افسر نے مزید بتایا کہ پولیس نے دہشت گردانہ حملے میں ملوث ہونے کے الزام میں ایک شخص کو گرفتار کیا ہے۔

یاد رہے کہ افغانستان میں ہفتے کے روز ایک حملے میں 5 افراد ہلاک اور 15 زخمی ہوگئے تھے، جبکہ داعش یا دولت اسلامیہ نے اس حملے کی ذمہ داری قبول کی تھی۔

The Taliban's Kabul Police Spokesman has confirmed the death of three civilians and injury of four others in an IED explosion within a public transport van in PD16 of Kabul City.
The spokesperson mentioned that "one suspect was arrested in connection with the incident."
The… pic.twitter.com/IrKuPVZVxj

— Afghan Analyst (@AfghanAnalyst2) January 9, 2024