افغان طالبان نے پاکستان کے خلاف ’جوابی حملے‘ دوبارہ شروع کرنے کا اعلان کردیا

کابل (ڈیلی اردو/بی بی سی) افغان طالبان نے پاکستان کے خلاف سرحد پار ’جوابی حملے‘ دوبارہ شروع کرنے کا اعلان کر دیا ہے۔

افغان طالبان کے حکومتی اہلکار کا کہنا ہے کہ جمعے کی شب پاکستان پر حملے دوبارہ شروع کیے گئے ہیں۔

جنوب مشرقی افغانستان میں طالبان کی 203ویں منصوری کمان کے ترجمان عبدالحق فدا نے بی بی سی کو بتایا کہ ’رمضان کے وقفے کے بعد خوست اور ٹانک میں آپریشن بحال کیا گیا ہے اور لڑائی جاری ہے۔‘

پاکستانی حکام نے تاحال اس پر تبصرہ نہیں کیا۔

خیال رہے کہ طالبان حکومت نے سرحد پار پوسٹوں پر حملوں میں 55 پاکستانی فوجیوں کی ہلاکت کا دعویٰ کیا تھا۔

بی بی سی کے مطابق جمعے کی شب طورخم سرحد کے مقام پر فائرنگ میں شدت کی اطلاعات سامنے آئی ہیں۔ ایک سرکاری اہلکار نے بتایا ہے کہ افغان طالبان کی جانب سے طورخم ایکسپورٹ ٹرمینل سمیت متعدد مقامات کو مارٹر گولوں سے نشانہ بنایا گیا 

افغان طالبان کا پاکستان پر نئے حملوں کا اعلان

خوست میں طالبان کے حکومتی اہلکاروں نے برطانوی خبر رساں ایجنسی بی بی سی کو تصدیق کی کہ پاکستانی جانب سے حملے جمعے کی شام دوبارہ حملے شروع کر دیے گئے ہیں۔

افغانستان میں طالبان حکومت کے جنوب مشرقی زون میں 203ویں منصوری کور کے ترجمان عبدالحق فدا نے بی بی سی کو بتایا کہ ’رمضان کے وقفے کے بعد خوست اور ٹانک میں آپریشن دوبارہ شروع ہو گیا ہے اور لڑائی جاری ہے۔‘

عبدالحق فدا سے قبل خوست کے گورنر کے ترجمان مستغفر گرباز نے بھی میڈیا کو بھیجے گئے ایک پیغام میں حملوں کے آغاز کے بارے میں اعلان کیا ہے۔

انھوں نے لکھا کہ ’ایک بار پھر، صوبہ خوست کے زازئی میدان اور علیشیر اور تیریز اضلاع میں سرحد کے ساتھ پاکستانی فوجی حکومت کی چوکیوں پر افغان فورسز کے جوابی حملوں کی ایک نئی لہر شروع ہو گئی ہے۔‘

پاکستان نے ابھی تک اس پر کوئی تبصرہ نہیں کیا ہے۔