افغان طالبان کا سربراہ ملا ہیبت اللہ اخوندذادہ کورونا وائرس سے ہلاک، عالمی میڈیا

کابل (نمائندہ ڈیلی اردو) عالمی وبا کورونا وائرس سے عالمیی شدت پسند تنظیم طالبان کے سپریم لیڈر، امیر ہیبت اللہ اخوندذادہ کی ہلاکت کی خبریں گردش کر رہی ہیں۔

افغان نیوز چینل ون ٹی وی کے مطابق طالبان گروپ کے کچھ اہم ذرائع نے یہ تصدیق کی ہے کہ طالبان کے سربراہ ہیبت اللہ اخوندزادہ کو کورونا وائرس ہو چکے ہے۔

Taliban leader Hebatullah Akhundzada may be dead due to coronavirus: report https://t.co/ojEzTRJMaY #AFG pic.twitter.com/f7UQfi404K

— 1TVNewsAF (@1TVNewsAF) June 2, 2020

افغان حکومت کے ایک سینئر اہلکار نے بتایا ہے کہ قطر کے دارالحکومت دوحہ میں امریکہ کے ساتھ امن معاہدے پر دستخط کرنے والے طالبان کے کئی سینئر ارکان بھی کورونا میں مبتلا ہوچکے ہیں۔

افغان حکومت کے اہلکار نے نام ظاہر نہ کرنے کی شرط پر کہا ہے کہ دوحہ میں موجود طالبان کی پوری قیادت کورونا وائرس میں مبتلا ہوچکی ہے۔

امریکی میگزین فارن پالیسی نے طالبان کے ایک رہنما مولوی احمد علی جان کے حوالے سے کہا ہے کہ طالبان سربراہ کورونا میں مبتلا ہوئے ہیں تاہم وہ صحت یاب ہورہے ہیں، تاہم امریکی رسالے نے پاکستان کے ضلع کوئٹہ میں طالبان کے تین اہم رہنماوں کے حوالے سے نقل کیا ہے کہ ملا ہیبت اللہ آخوندزادہ کورونا وائرس سے ہلاک ہوگئے ہیں۔

The coronavirus sweeps through Taliban senior ranks, possibly killing the supreme leader.https://t.co/Vy6luwQf3l

— Foreign Policy (@ForeignPolicy) June 1, 2020

اس حوالے سے ابھی تک طالبان کی جانب سے کوئی بیان سامنے نہیں آیا ہے۔

غیر تصدیق شدہ رپورٹس کے مطابق ملا ہبت اللہ کی ہلاکت کے بعد طالبان کے سابق سربراہ ملا عمر کے بیٹے ملا یعقوب طالبان کے نئے سربراہ مقرر ہوئے ہیں۔

Taliban founder's son, Mullah Mohammad Yaqoob, appointed head of the Taliban military commission. Sources claim his predecessor has been reined in for being too anti-Pakistan and too close to Iran https://t.co/sOoffM9sn9

— Ben Farmer (@benfarmerDT) May 8, 2020

ملا یعقوب کو طالبان کے اہم فوجی ذمہ داروں پر فوقیت دی گئی ہے کیونکہ ملا عمر کی وجہ سے شاید فوجی کمانڈرز اور سیاسی رہنما ان کی بات کو زیادہ اہمیت دیں۔ فوجی کمیشن کے سابق سربراہ ملا عبدالقیوم ذاکر اور جنوبی صوبوں کے فوجی امور کے انچارج صدر ابراہیم جیسے سینیئر عہدیدار ملا یعقوب کے معاونین مقرر کئے گئے ہیں اور اب ان کے ماتحت ہوں گے۔