افغان فوجی میکسیکو سرحد پر گرفتار

کابل (ڈیلی اردو/این این آئی) افغانستان سے طویل اور دشوارگذار سفر کے بعد امریکا میں پناہ کی تلاش میں جانے والے ایک افغان فوجی کو میکسیکو کی سرحد عبورکرنے کی کوشش میں گرفتارکر لیا گیا ہے اور اس وقت وہ ریاست ٹیکساس میں تارکین وطن کے حراستی مرکزمیں قید ہے۔

An Afghan soldier seeks asylum after facing arrest at the U.S.-Mexico border. https://t.co/IooVQiRZ4X

— KTSM 9 News (@KTSMtv) January 21, 2023

میڈیا رپورٹس کے مطابق عبدالواسع صافی نے اس کٹھن سفر میں ایک افغان فوجی کی حیثیت سے اپنی دستاویزات اپنے پاس سنبھال کررکھی ہوئی تھیں۔ وہ امریکی فوج کے ساتھ کام کرتا رہا تھا۔اس نے برازیل سے امریکا اور میکسیکو کی سرحد تک مہینوں طویل، خطرناک سفر طے کیا تھا۔ وہ اگست 2021 ء میں امریکا کے افغانستان سے انخلاکے بعد طالبان کی انتقامی کارروائی کے خوف سے ملک سے فرار ہوگیا تھا اور اس کوامید تھی کہ کاغذی کارروائی کی تکمیل کے بعد امریکا میں پناہ مل جائے گی۔ لیکن ستمبر میں ٹیکساس کے ایگل پاس کے قریب امریکا اور میکسیکو کی سرحد عبور کرنے کے بعد واسع صافی کو وفاقی امیگریشن کی خلاف ورزی کے الزام میں گرفتار کر لیا گیا تھا۔