اقوامِ متحدہ لبنان کے جنگی علاقوں سے امن فورس نکال لے، اسرائیلی وزیرِ اعظم یاہو

یروشلم (ڈیلی اردو/وی او اے/اے ایف پی/رائٹرز) اسرائیل کے وزیرِ اعظم بن یامین نیتن یاہو نے اقوام متحدہ پر زور دیا ہے کہ وہ لبنان کے ان علاقوں سے اپنی بین الاقوامی امن فورس نکال لے جہاں لڑائی جاری ہے۔

نیتن یاہو نے کہا کہ اسرائیلی فوج اقوامِ متحدہ کو بارہا ان علاقوں سے فوج نکالنے کا کہہ چکی ہے۔

ان کا مزید کہنا تھا کہ جنگ زدہ علاقوں میں امن فورس کی موجودگی انہیں دراصل حزب اللہ کا یرغمال بنارہی ہے۔

غزہ سے تعلق رکھنے والے میڈیکل کے 27 فلسطینی طلبہ مصر سے پاکستان روانہ ہوگئے ہیں۔

قاہرہ میں پاکستان کے سفارت خانے کے مطابق یہ غزہ سے تعلق رکھنے والے یہ طلبہ لاہور پہنچ کر اپنی باقی تعلیم مکمل کریں گے۔

سفارت خانے کے مطابق یہ ان 192 فلسطینی طلبہ کا پہلا بیچ ہے، وزیرِ اعظم شہباز شریف نے حکومتی خرچ پر جن کی تعلیم پاکستان میں مکمل کرانے کا اعلان کیا تھا۔

امریکہ کے وزیرِ دفاع لائیڈ آسٹن نے ہفتے کو اپے اسرائیلی ہم منصب یوو گیلنٹ کو لبنان میں تعینات اقوام متحدہ کی امن فورس پر اسرائیل کے حملوں کی رپورٹس سے متعلق اپنی تشویش سے آگاہ کیا ہے۔

دونوں رہنماؤں کے درمیان ہونے والے ٹیلی فونک رابطے میں لائیڈ آسٹن نے لبنان میں تعینات بین الاقوامی امن فورس کے تحفظ پر زور دیا ہے۔

اسرائیل کے وزیرِ دفاع نے کا کہنا تھا کہ اقوامِ متحدہ کی امن فورس کو نقصان سے بچانے کے لیے ہر ممکن اقدامات کیے جائیں گے۔

لبنان میں بین الاقوامی امن فورس پر اسرائیلی حملوں کی رپورٹس پر امریکہ کا اظہارِ تشویش

امریکہ کے وزیرِ دفاع لائیڈ آسٹن نے ہفتے کو اپے اسرائیلی ہم منصب یوو گیلنٹ کو لبنان میں تعینات اقوام متحدہ کی امن فورس پر اسرائیل کے حملوں کی رپورٹس سے متعلق اپنی تشویش سے آگاہ کیا ہے۔

دونوں رہنماؤں کے درمیان ہونے والے ٹیلی فونک رابطے میں لائیڈ آسٹن نے لبنان میں تعینات بین الاقوامی امن فورس کے تحفظ پر زور دیا ہے۔

اسرائیل کے وزیرِ دفاع نے کا کہنا تھا کہ اقوامِ متحدہ کی امن فورس کو نقصان سے بچانے کے لیے ہر ممکن اقدامات کیے جائیں گے۔

چالیس ممالک کی اقوام متحدہ کی امن فورس پر اسرائیل کے حملوں کی مذمت

لبنان میں تعینات اقوام متحدہ کی امن فورس میں شامل 40 ممالک نے فورس پر اسرائیل کے حملوں کی مذمت کی ہے۔

ان ممالک کے مشترکہ بیان میں مطالبہ کیا گیا ہے کہ امن مشن پر حملے فوری طور پر روکے جائیں۔

مشترکہ بیان جاری کرنے والے ممالک میں پولینڈ، انڈونیشیا، اٹلی اور بھارت بھی شامل ہیں۔

جنوبی لبنان میں حزب اللہ کے خلاف اسرائیل کے حملوں میں اقوام متحدہ کی امن فورس کی تنصیبات بھی زد میں آئی ہیں۔گزشتہ 48 گھنٹوں کے درمیان امن فورس پر ہونے والے حملون میں اب تک اس کے کم از کم پانچ اہل کار زخمی ہوچکے ہیں۔

جنوبی لبنان میں اسرائیل کے حملے سے اقوام متحدہ کی امن فوج کی اہم ترین بیس بری طرح متاثر ہوئی ہے جس پر اقوامِ متحدہ کے سیکریٹری جنرل نے مغربی ممالک سے اس حملے کی مذمت کا مطالبہ کیا ہے۔

امن فورس نے لبنان میں اپنے خلاف اسرائیلی کارروائیوں کی وضاحت طلب کرلی

لبنان میں تعینات اقوامِ متحدہ کی امن فورس نے اسرائیل سے اپنی تنصیبات پر حملوں کی وضاحت طلب کی ہے۔

امن فورس نے اسرائیل کی کارروائیوں کو ’سنگین تجاوز‘ قرار دیا ہے۔

ایک بیان میں امن فورسز نے کہا ہے کہ ہم نے اسرائیلی فوج سے درخواست کی ہے کہ وہ ان خلاف ورزیوں پر وضاحت کرے۔

اس سے قبل امن فورسز نے کہا تھا کہ اسرائیلی فوج نے گزشتہ روز ٹینک کے گولوں سے اس کے ایک شیلٹر کا مرکزی گیٹ تباہ کردیا تھا اور زبردستی اس میں داخل ہوگئی تھی۔