امریکہ نے اپنے شہریوں کو مشرقِ وسطیٰ فوری طور پر چھوڑنے کی ہدایت کر دی

واشنگٹن (ڈیلی اردو/روئٹرز) مشرقِ وسطیٰ میں امریکی اہداف پر ایران کے حملوں کے بعد امریکہ نے اپنے شہریوں کو خطے کے ایک درجن سے زائد ممالک چھوڑنے کی ہدایت دے دی ہے۔

ہفتے کے روز عراق کے دارالحکومت بغداد میں امریکی سفارت خانے کی عمارت پر میزائل گرنے کے بعد شہریوں کو فوری طور پر عراق چھوڑنے کی ہدایت دی گئی تھی۔

سفارت خانے نے کہا:“جو امریکی شہری عراق میں رہنے کا انتخاب کر رہے ہیں، وہ ایران سے منسلک دہشت گرد ملیشیاؤں کی جانب سے موجود سنگین خطرے کے پیشِ نظر اپنے فیصلے پر دوبارہ غور کریں۔”

اس کے علاوہ، روئٹرز کے مطابق امریکہ نے ہفتے کے روز عمان میں غیر ہنگامی نوعیت کی خدمات انجام دینے والے سرکاری ملازمین اور ان کے اہلِ خانہ کو بھی ملک چھوڑنے کا حکم دیا ہے۔