امریکی نیوی انجینئر کا جوہری آبدوز کے راز بیچنے کا اعتراف

واشنگٹن (ڈیلی اردو) امریکی بحریہ کے انجینئیر نے جوہری آبدوز کے راز بیرون ملک فروخت کرنے کی کوشش کا اعتراف کرلیا۔

امریکی محکمہ انصاف کی جانب سے جاری بیان کے مطابق امریکی نیوی کے 43 سال کے انجینئیر جوناتھن ٹوئیبی نے فیڈرل کورٹ میں جوہری آبدوز کے راز بیرون ملک فروخت کرنے کی کوشش کرنے کا اعتراف کرلیا۔

محکمہ انصاف کے مطابق جوناتھن نے 2012 میں ایک غیرملکی حکومت کے نمائندے کو دستاویزات بھیجیں جس جوہری آبدوز کی تمام حساس اور خفیہ معلومات اور طریقہ کارکی تفصیل موجود تھی۔

امریکی بحریہ کے انجینئیر کو کرپٹو کرنسی میں بھاری رقوم ادا کی گئیں۔ امریکی انجینئیر نے چرائے گئی خفیہ معلومات ایس ڈی کارڈ کے ذریعے سینڈوچز، چیونگ کے پیکٹ میں چھپا کر بیرون ملک کی حکومت کے نمائندے کو پہنچائیں جو دراصل ایف بی آئی کا ایجنٹ تھا۔

جوناتھن اور ان کی بیوی کو 4 ماہ قبل گرفتار کیا گیا تھا۔ جوناتھن کو 12 سے 17 تک قید کی سزا سنائے جانے کا امکان ہے۔