انسانی حقوق کونسل کی طرف سے مسئلہ کشمیر کے پرامن حل کے مطالبہ کا خیرمقدم کرتے ہیں: وزیراعظم

اسلام آباد (ڈیلی اردو) وزیر اعظم عمران خان نے کہا ہے کہ وہ یورپی یونین کی جانب سے انسانی حقوق کونسل میں مسئلہ کشمیر کے اقوام متحدہ کی سلامتی کونسل کی قراردادوں، بین الاقوامی قانون اور دوطرفہ معاہدوں کے مطابق پرامن حل کے مطالبہ کا خیرمقدم کرتے ہیں۔

جمعرات کو اپنے ایک ٹویٹ میں وزیراعظم نے کہا کہ وہ 10 ستمبر کو ہیومن رائٹس کونسل کے اجلاس میں 58 ممالک کی جانب سے پاکستان کے موقف کی حمایت کو سراہتے ہیں۔

I welcome the EU’s call in the Human Rights Council for a peaceful solution of the Kashmir dispute in line with UNSC resolutions, int law and bilateral agreements.

— Imran Khan (@ImranKhanPTI) September 12, 2019

انہوں نے کہا کہ اس حمایت نے مقبوضہ کشمیر میں طاقت کے استعمال کو روکنے، محاصرہ ختم کرنے، دیگر پابندیاں اٹھانے، کشمیری عوام کے حقوق کے احترام و تحفظ اور مسئلہ کشمیر کے اقوام متحدہ کی سلامتی کونسل کی قراردادوں کے مطابق حل کے لئے بین الاقوامی برادری کے بھارت سے مطالبات کو تقویت دی ہے۔