آرمی چیف جنرل قمر جاوید باجوہ وائٹ ہاؤس میٹنگ میں شریک ہوں گے: ترجمان پاک فوج

واشنگٹن (ویب ڈیسک) ڈی جی آئی ایس پی آر میجر جنرل آصف غفور نے کہا ہے کہ وزیراعظم عمران خان کے وفد کے رکن حیثیت سے آرمی چیف جنرل قمر باجوہ وائٹ ہاؤس کی میٹنگ میں شریک ہوں گے۔

سماجی رابطے کی ویب سائٹ ٹوئٹر پر جاری بیان میں میجر جنرل آصف غفور نے کہا کہ وائٹ ہاؤس میں میٹنگ کے بعد آرمی چیف جنرل قمر جاوید باجوہ امریکی دفاعی ادارے پینٹاگون کا دورہ کریں گے۔

COAS at Washington, DC. On 22 July 19, after the meeting at White House as part of Prime Minister’s delegation, COAS will visit Pentagon to interact with Acting Secretary Defence Mr. Richard Spencer, CJCS Gen Joseph Dunford and Chief of Staff of US Army Gen Mark A Milley.

— DG ISPR (@OfficialDGISPR) July 22, 2019

ڈی جی آئی ایس پی آر کے مطابق آرمی چیف پینٹاگون میں امریکی قائمقام وزیر دفاع رچرڈ اسپینسر سے ملاقات کریں گے۔

میجر جنرل آصف غفور کے مطابق  آرمی چیف اس موقع پر امریکی چیئرمین جوائنٹ چیفس آف اسٹاف جنرل جوزف ڈنفورڈ اور امریکی چیف آف اسٹاف جنرل مارک اے ملے سے بھی ملیں گے۔