آرمی چیف قمر جاوید باجوہ سے برونائی کے مسلح افواج کے کمانڈر کی ملاقات

اسلام آباد (ویب ڈیسک) آرمی چیف جنرل قمر جاوید باجوہ سے برونائی کے مسلح افواج کے کمانڈر نے ملاقات کی، ملاقات میں باہمی دلچسپی کے امور اور خطے میں سیکیورٹی صورتحال پر بات چیت ہوئی۔

تفصیلات کے مطابق پاک فوج کے شعبہ تعلقات عامہ آئی ایس پی آر کا کہنا ہے کہ برونائی کے مسلح افواج کے کمانڈر نے جی ایچ کیو کا دورہ کیا، اس دوران آرمی چیف جنرل قمر جاوید باجوہ سے ان کی ملاقات ہوئی۔

ملاقات میں علاقائی سیکیورٹی کی صورتحال اور باہمی دلچسپی کے امور پر بات چیت ہوئی، کمانڈر برونائی نے خطے میں فروغ امن کے لیے پاکستان کے کردار کو سراہا۔

کمانڈر برونائی کا کہنا تھا کہ دہشت گردی کے خلاف پاک فوج کی قربانیاں گراں قدر ہیں۔
خیال رہے کہ آرمی چیف سے اس سے قبل بحرین کے وزیر خارجہ شیخ خالد بن احمد بن محمد الخلیفہ نے بھی ملاقات کی تھی۔

ملاقات میں باہمی دلچسپی کے امور اور خطے میں سیکیورٹی صورتحال پر بات چیت ہوئی۔ بحرین کے وزیر خارجہ نے خطے میں کشیدگی کم کرنے کے لیے پاکستان کے کردار کی تعریف کی تھی۔
بحرین کے وزیر خارجہ اور آرمی چیف کے درمیان ملاقات میں مختلف شعبوں میں باہمی تعاون کو مزید وسعت دینے پر بھی زور دیا گیا۔