ایران کے جوہری پروگرام کے خلاف فوجی کارروائی ہوسکتی ہے، اسرائیلی آرمی چیف

تل ابیب (مانیٹرنگ ڈیسک) اسرائیل کی مسلح افواج کے سربراہ نے ایران کے خلاف کارروائی کا امکان ظاہرکیا ہے۔

Israel's army chief warns of looming Iran threat, both inside and outside its borders

'It's a wake-up call,' @eitan_dangot says – With @ori_goldberg and @MAmirizadeh pic.twitter.com/faIcH3qcjI

— i24NEWS English (@i24NEWS_EN) May 24, 2023

عالمی طاقتوں کی ایران پر یورینیم افزودگی کی سرگرمیوں پر نئی پابندیوں اور بم بنانے کی صلاحیت رکھنے والے دیگر منصوبوں پر مذاکرات کی کوششیں اب تک بے نتیجہ رہی ہیں۔

اسرائیل ایک طویل عرصے سے ایران کی جوہری تنصیبات کے خلاف کارروائی کی دھمکیاں دے رہا ہے اور اس کا کہنا ہے کہ اگر سفارت کاری کا کوئی نتیجہ برآمد نہیں ہوتا تو وہ طاقت کا سہارا لے گا۔

اسرائیل کی مسلح افواج کے سربراہ لیفٹیننٹ جنرل ہرزی حالیوی نے ایک سکیورٹی کانفرنس کے اجلاس میں کہا کہ ’’ایران نے یورینیم کو افزودہ کرنے کی صلاحیت میں پہلے سے کہیں زیادہ ترقی کی ہے،اب افق پر منفی پیش رفت ہو رہی ہے اور یہ فوجی کارروائی کا باعث بن سکتی ہے‘‘۔

انھوں نے یہ نہیں بتایا کہ یہ پیش رفت کیا ہوسکتی ہے اور نہ ہی یہ بتایا کہ کیا کارروائی کی جاسکتی ہے اور کس کے ذریعے کی جاسکتی ہے۔