ایک ماہ میں حزب اللہ کے تقریباً 700 جنگجو ہلاک، اسرائیلی فوج

تل ابیب (ڈیلی اردو) اسرائیلی فوج نے جمعرات کو اعلان کیا کہ لبنان کی ایران نواز مسلح تنظیم حزب اللہ کے خلاف 2 مارچ سے جاری جنگ کے دوران تقریباً 700 جنگجو ہلاک ہو چکے ہیں۔

فوج کے ترجمان لیفٹیننٹ کرنل ناداو شوشانی نے صحافیوں سے گفتگو میں کہا:"اب تک میں تقریباً 700 (حزب اللہ) دہشت گردوں کے ہلاک ہونے کی اطلاع دے سکتا ہوں۔"

شوشانی نے بتایا کہ ایرانی حمایت یافتہ حزب اللہ نے راکٹ فائرنگ جاری رکھی، اور “چند دنوں میں 100 سے زائد راکٹ داغے گئے، زیادہ تر شمالی اسرائیل کی جانب۔”

دوسری جانب، لبنان کی وزارتِ صحت نے اطلاع دی ہے کہ اسرائیلی حملوں میں اب تک 1,094 افراد ہلاک ہو چکے ہیں، جن میں 121 بچے، 81 خواتین، اور 892 مرد شامل ہیں۔