باجوڑ میں پولیس اہلکار فائرنگ سے ہلاک، چھٹی پر گھر جاتے ہوئے نشانہ بن گئے

باجوڑ(ڈیلی اردو) خیبرپختونخواہ کے شورش زدہ ضلع باجوڑ کے عنایت کلے بازار میں نامعلوم مسلح افراد کی فائرنگ سے پولیس اہلکار رحمت اللہ ہلاک ہوگئے۔ پولیس کے مطابق وہ چھٹی پر اپنے گھر جا رہے تھے کہ راستے میں فائرنگ کا نشانہ بنے اور موقع پر ہی دم توڑ گئے۔

پولیس کے مطابق رحمت اللہ کا تعلق تحصیل ماموند کے علاقے لغڑئی سے تھا۔ واقعے کے بعد ان کی لاش پوسٹ مارٹم کے لیے ڈی ایچ کیو ہسپتال خار منتقل کردی گئی۔

پولیس نے جائے وقوعہ کو گھیرے میں لے کر شواہد جمع کرنا شروع کردیئے ہیں جبکہ فائرنگ میں ملوث ملزمان کی تلاش اور شناخت کے لیے تحقیقات جاری ہیں۔ حکام کے مطابق واقعے کے محرکات کا تعین بھی کیا جا رہا ہے۔