باجوڑ میں چیک پوسٹ پر فائرنگ، ایک پولیس اہلکار ہلاک، دوسرا زخمی

خار (نمائندہ ڈیلی اردو) صوبہ خیبر پختونخوا کے قبائلی ضلع باجوڑ کی تحصیل ماموند میں شیخ بابا کے قریب گاڑی میں سوار مسلح افراد نے پولیس چیک پوسٹ پر فائرنگ کرکے ایک اہلکار کو ہلاک اور ایک دوسرے زخمی کردیا۔

https://twitter.com/ShabbirTuri/status/1574333071742144516?t=aI4Fcex6sn_ueChvyXdWDA&s=19

پولیس کے مطابق اہلکار نے چیک پوسٹ پر گاڑی کو رکنے کا اشارہ کیا، گاڑی میں موجود مسلح افراد نے روکنے کی بجائے پولیس اہلکاروں پر فائرنگ کردی۔ واقعے میں سپاہی رحیم اللہ موقع پر ہی دم توڑ گیا جبکہ حوالدار فضل سبحان شدید زخمی ہو گیا۔

پولیس نے لاش اور زخمی اہلکار کو ہسپتال منتقل کردیا۔ واقعے کے بعد پولیس نے علاقے میں سرچ آپریشن شروع کردیا۔