باجوڑ میں ڈرون حملہ، 9 سالہ بچہ ہلاک، خاتون زخمی

خار (نمائندہ ڈیلی اردو) پاکستان کے شورش زدہ صوبہ خیبر پختونخوا کے قبائلی ضلع باجوڑ میں ایک مبینہ ڈرون حملے کے نتیجے میں 9 سالہ بچہ ہلاک جبکہ ایک خاتون زخمی ہو گئی۔

مقامی پولیس کے مطابق یہ واقعہ ضلع باجوڑ کی تحصیل ماموند کے علاقے انعام خورو چینہ گئی میں پیش آیا، جہاں مبینہ طور پر حیات اللہ نامی شخص کے گھر کو نشانہ بنایا گیا۔

پولیس حکام نے بتایا کہ حملے میں 9 سالہ مہران ہلاک ہو گیا، جبکہ اس کی والدہ زخمی ہوئیں۔ زخمی خاتون کو فوری طور پر طبی امداد کے لیے خار ہیڈکوارٹر اسپتال منتقل کر دیا گیا۔

واقعے کی اطلاع ملتے ہی پولیس، متعلقہ اداروں اور سکیورٹی اہلکاروں نے جائے وقوعہ پر پہنچ کر شواہد اکٹھے کرنا اور واقعے کی نوعیت سے متعلق تحقیقات شروع کر دیں۔