برطانیہ میں ایرانی جاسوس گروہ گرفتار، یہودی مقامات ہدف

لندن (ڈیلی اردو) برطانوی پولیس نے آج چھ مارچ بروز جمعہ لندن میں یہودی برادری سے منسلک مقامات اور افراد کی جاسوسی کے شبے میں چار افراد کو گرفتار کر لیا۔ 

پولیس کے مطابق ایک ایرانی اور تین برطانوی نژاد ایرانیوں پر شبہ ہے کہ وہ ایک غیر ملکی خفیہ ایجنسی کی مدد کر رہے تھے۔

لندن کی میٹروپولیٹن پولیس کے انسداد دہشت گردی کے شعبے کی سربراہ ہیلن فلینیگن نے کہا کہ یہ گرفتاریاں’’طویل عرصے سے جاری تحقیقات‘‘ کا حصہ ہیں۔ امریکہ اور اسرائیل کی ایران کے خلاف جنگ کے بعد یورپ بھر میں یہودی برادریوں اور اداروں نے ممکنہ حملوں کے خدشات کے پیش نظر اپنی سکیورٹی بڑھا دی ہے۔

اسرائیل کی نیشنل سکیورٹی کونسل نے بھی دنیا بھر میں اسرائیلی شہریوں اور یہودیوں کے لیے انتباہ جاری کیا  ہے اور کہا ہے، ’’ٹھوس خدشات ہیں کہ دہشت گرد گروہ بیرون ملک اسرائیلیوں کو نشانہ بنانے کی کوشش کر رہے ہیں۔‘‘