برطانیہ نے حزب اللہ کے سیاسی اور عسکری ونگ کو دہشت گرد قرار دیدیا، اثاثے منجمد

لندن (ڈیلی اردو) برطانوی حکومت نے لبنان کی شیعہ ملیشیا حزب اللہ کے سیاسی اور عسکری ونگ دہشت گرد قرار دیتے ہوئے ان پر اقتصادی پابندیاں عاید کرنے کا اعلان کیا ہے۔

تفصیلات کے مطابق برطانوی وزارت خزانہ نے حزب اللہ کے دونوں ونگز سیاسی اور عسکری کو بلیک لسٹ کرنے کے اعلان کے ساتھ ہی ان کے مملکت میں موجود تمام اثاثے منجمد کر دیے ہیں۔

HM Treasury has designated the entire organisation of Hizballah under the Terrorist Asset-Freezing Act 2010. This asset freeze aligns with the decision made last year by the Chancellor – when Home Secretary – to proscribe the entire organisationhttps://t.co/CcdituHV03

— HM Treasury (@hmtreasury) January 17, 2020

گزشتہ روز برطانوی وزارت خزانہ نے کہا کہ لبنانی حزب اللہ گروپ کو دہشت گردی اور دہشت گردی کی مالی اعانت کے ضوابط کے تحت ایک دہشت گرد تنظیم قرار دیتے ہوئے اس کے تمام اثاثے منجمد کر دیئے گئے ہیں۔

اس سے قبل برطانوی حکومت نے حزب اللہ کے صرف ملٹری ونگ دہشت گرد قرار دے کر اس کے اثاثوں پر پابندی عاید کی تھی۔

خیال رہے کہ امریکا، حزب اللہ کے سیاسی اور ملٹری دونوں ونگز کو پہلے ہی دہشت گرد قرار دے چکا ہے۔