بلوچستان: کچھی میں سی ٹی ڈی کی کارروائی، 3 دہشت گرد ہلاک

کوئٹہ (نمائندہ ڈیلی اردو) صوبہ بلوچستان کے ضلع کچھی کی تحصیل ڈھاڈر میں ‏کاؤنٹر ٹیررازم ڈیپارٹمنٹ (سی ٹی ڈی) کی کارروائی کے دوران 3 دہشت گرد ہلاک ہو گئے۔

ایس ایس پی کچھی کیپٹن (ر) دوست محمد بگٹی کے مطابق ہلاک دہشت گردوں سے 7 کلو دھماکا خیز مواد، ایک عدد موٹر سائیکل اور 2 نائن ایم ایم پسٹل بمعہ راؤنڈز برآمد کر لیے گئے۔

ایس ایس پی کا کہنا تھا کہ کالعدم تنظیم کے ہلاک دہشت گرد گھات لگا کر دہشت گردی کا منصوبہ بنا رہے تھے جہاں سی ٹی ڈی کے ساتھ فائرنگ کا تبادلہ ہوا۔

ہلاک دہشت گردوں کی لاشیں سول ہسپتال ڈھاڈر منتقل کر دی گئیں۔

سی ٹی ڈی کے ترجمان نے بتایا ہے کہ ہلاک ہونے والے ملزمان مختلف کیسز میں مطلوب تھے۔